Transcription
1
Monseigneur, mandant le present pourteur exprès, je ney vollu
2
failhir vous escripre se petit mont pour vous dire tout
3
ce que nous tenons de noveau de part de sa, scavoir est
4
que l’hon tient pour tout certain que Don Joan d’Austrie a rompu
5
son voyage de Levant et quil sen revient en Ponnent. Les ungz
6
dizent que cest pour Argiers ; et les autres quil se retire. Toutesfois
7
l’on a peur quil ne nous esveilhe ung de ses matins. Je men
8
vois tenir garnizon à Tron près d’Aix là oùt vous supplie regarder
9
sy jay moyen vous pouvoir fère service. Je vous despecheis
10
dernierement ung pacquet par la poste pour response dune vostre,
11
touchand les trois mil livres, sur quoy jespère despecher au
12
premier jour ung gentilhomme en court, lequel passera devers
13
vostre exellance expressement pour en sortir, que sera landroit
14
oùt je prieray Dieu
15
Monseigneur vous donner en parfaicte santé, très heureuse
16
et vie longue. De Marseille, ce XXVIIIe juilhet 1572
17
Vostre plus humble serviteur
18
à jamais
19
Alfonso d’Ornano